耳邊忽聽人喧噪，
驚覺前營散楚歌，
唉觸起我英雄難把淚阻，
虧我對天長嘆你話奈乜誰何？
我記得夜宴鴻門係我當日錯，
亞父忠良喺碎玉珂，
可恨詭計陳平來嫁禍，
更兼韓信與哩個蕭何，
畀佢明修棧道暗把陳倉過，
使我鞭長莫及喺逞干戈，
大將張秦喺兵折楚，
三秦連敗逝江河，
俾佢明被困在孤城恨我兵馬墮，
點能對陣逞干戈，
彭城九郡更旗號，
就把鴻溝之地割去求和，
唉今晚四圍困住好似重包裹，
死啦又聽蕭聲齊唱喺月華歌，
一定軍心含恨離拋楚，
喺啦虧我亡秦三代就一旦銷磨。
今晚帳裏擔愁兼懊惱，
唉倒豎鬚眉怒氣多，
唉虧我苦對虞姬，
虞姬呀
愁悶坐，
真喺心如火，
蒼天唔憫我，
今晚江山難挽就要卻嬌娥。
乜話個陣虞姬聽，
咁就嚇到膽落魂亡，
勸句忍淚就勸王何再得咁悲傷，
吉人自有咸亨日
主上呀勝敗兵家也當尋常，
勸王王啊暫且開懷抱，
妾身擺上瓊漿，
我記得你話飲一杯能解得百悶，
等我共你痛飲三杯可以萬慮也磿，
妾伴聖君隨御駕，
烏騅常及妹既雕鞍，
百戰英雄誰係你敵手？
何愁棄甲曳彊場？
主啊雖係逢難故陵催戰下，
帳前共主你醉酒觴，
明日好去沉舟來破斧，
又何愁三鼓不復咸陽。
唉個陣霸王聽罷虞姬講，
嬌啊你悶酒翻來喺碎我膽肝，
咁你不須提起我當年事，
講起我往日既英雄我就更斷腸，
我曾記起兵年十八，
有八千子弟護我戎裝，
七十陣交鋒未敗過一仗，
分明手段我最高強，
今日天公一旦虧亡我，
將我人心催散往何方，
九里山前孤鶴唳
你睇下
睇下四邊埋伏鐵壁銅牆，
想我想我項羽不該為帝主，
自係范增亡後將服劉邦，
虛勞我兩臂枉有移山力，
有移山力，
妻啊前時滅漢誰顧我地楚先亡！
唉今晚自思糧盡兵微寡，
我自己殺出重圍脫禍殃，
總係獨惜嬌妻柔弱質，
嬌妻呀你柔弱質，
恐憂相顧阻你行藏，
不若各人分手自去投生路
你唔怕既
你在君前獻媚就會惜念你喺弱小紅妝，
我江山兩字難相保，
江山兩字實喺難相保，
出於無奈致有捨別罷妻房。
唉虞姬聽了，
不覺淚拋沙，
聽聞君話咬碎銀牙，
主呀自係奴奴歸你帳下，
恩同山海疊重加，
只望天長同樂耍，
逍遙歌管樂繁華，
主啊記得玉手相攜隨御駕，
我估今生緣聚在帝王家，
朝遊鳳閣看圖畫，
看圖畫，
記得晚倚龍樓喺看落霞。
唉我曾記扶我同上馬，
金鞭敲落海棠花，
征袍戰甲估你唔披掛，
我估丈八蛇茅唔使手內拿，
主啊幸得功高王號霸，
誠蒙恩寵我女嬌娃，
願王一統歸華夏，
愿你添花錦上萬年華，
豈料玉崩和解瓦，
今日翻成秋水冷蒹葭，
主呀你拋棄奴奴說得出無情話，
我斷冇春衫重整另抱琵琶，
主呀你待我厚恩豈有唔念掛，
我係忠臣烈女死也無他，
主呀你既然唔帶妾身同去罷，
我早送黃泉下，
盡節在你跟前下，
主啊免王心事為我亂如麻。
唉個陣霸王聽，
不覺淚傷悲，
妻呀誰無死別共生離，
唉非係寡人拋棄你，
不過勢窮無計共你再效于飛，
你就聲聲盡節話要存終始，
存終始，
恨我唔能攜帶妹呀再去馬上奔馳。
唉堆成血淚如山積，
踏破蓮花遂馬蹄，
帳前休講閑風月，
我共娘題下斷腸詩
力拔山兮氣蓋世，
時不利兮騅不逝。
你話教人何忍話兩分離，
唉題罷淚痕施眼睇，
龍泉三尺閃閃光輝，
欲將一劍把佢歸泉，
歸泉世，
獨惜幾番含忍我自覺難為，
唉霸王抱劍心頭翳，
又到美人伶俐就知機，
上前扯住王金帶，
把龍泉奪住在手中持。
個陣項羽思前由妹意，
唉我任娘生死詐唔知，
此際項王擰歪個面，
又到虞姬抱劍淚如珠，
長嘆一聲難伴主，
覺今係一個福薄娥媚，
唉我盡節來報主，
就將龍泉割斷喉咽，
喉咽喘住喘住玲瓏玉紅顏一命喪陰司，
一跤慣在塵埃地，
慣在塵埃地，
個陣項王一見真喺吊膽肝離。
好似百顆明珠拋落水，
千重嬌媚在我眼前低，
英雄阻不住腮邊淚，
我竟然低卻丈夫眉，
唉我見佢鳳眼一雙還未閉，
香唇秀色尚如珠，
至愛香斷魂在地，
至愛香斷魂在地，
忍見羅衣尚帶血淋漓。
唉等我割下玉容嬌首記，
忙將香冢護嬌屍，
香魂艷魄埋芳塚，
難捨香魂半掩泥，
虧我幾回寸斷肝腸肺，
哭聲妻呀兩相依，
願你英靈隨我征車去，
殺出重圍把禍脫離，
妻呀生有恩王有義，
莫話黃泉恨怕情欺，
生生死死我難離你，
兵臨威迫分離，
說罷蛇茅槍就舉，
連忙踏上馬烏騅，
沖天怒氣生三外，
金鼓碎，
英雄偷抹淚，
虧我項羽羞顏唉無面歸期 。
编辑于2023/08/23更新