作词 : 南木卡
作曲 : 南木卡
编曲 : 南木卡
བཀའ་དྲིན་དྲན་པ་མ།
ཚིག་རྩོམ་མཁན། ཀུན་མཁྱེན་ཀློང་ཆེན་རབ་འབྱམས།
དབྱངས་རྩོམ་མཁན། ནམ་མཁའ།
ལེན་མཁན། ཉི་མའི་བུ་རྒྱུད་ནམ་མཁའ།
རོལ་མོ་སྒྲིག་བཟོ་པ། ཤེར་བྷ།
སྒྲ་ཕབ་དང་སྒྲ་ཞིབ་སྦྱོར། ཤེར་བྷ།
ཡིག་སྒྱུར། སྒྲོ་ཨ་རུ།
࿑ ན་མོ་གུ་རུ་བྷྱ༔
རྒྱལ་བའི་རྣམ་འཕྲུལ་བླ་མ་རྗེ།།
ཀུན་ཏུ་བཟང་དང་དབྱེར་མེད་པ།།
འགྲོ་བའི་མགོན་པོ་ཐུགས་རྗེ་ཅན།།
གསོལ་བ་འདེབས་སོ་བྱིན་གྱིས་རློབས།།
ཕྱོགས་གང་དུ་ཕྱིན་ཀྱང་བླ་མ་དྲན།།
གནས་གང་དུ་བསྡད་ཀྱང་བླ་མ་དྲན།།
དུས་ཉིན་མཚན་འཁོར་མོར་བླ་མ་དྲན།།
གསོལ་བ་འདེབས་སོ་བྱིན་གྱིས་རློབས།།
དུས་ན་ནིང་བཞུགས་ཀྱང་ད་ལོ་མེད།།
བསམ་ཞིང་བསམ་ཞིང་བླ་མ་དྲན།།
གདུང་སེམས་མོས་གུས་རྒྱུན་ཆད་མེད།།
གསོལ་བ་འདེབས་སོ་བྱིན་གྱིས་རློབས།།
རྐྱེན་ཅི་འདྲ་ཤར་ཡང་བླ་མ་དྲན།།
བརྡ་ཇི་ལྟར་མཐོང་ཡང་བླ་མ་དྲན།།
ཆོས་གང་ལ་བསམས་ཀྱང་བླ་མ་དྲན།།
གསོལ་བ་འདེབས་སོ་བྱིན་གྱིས་རློབས།།
ཤར་རི་བདུན་གངས་རིའི་རྩེ་མཐོང་བས།།
ཕ་བླ་མ་དྲན་ནས་མཆི་མ་ཤོར།།
སེམས་གདུང་བས་སྐྱོ་ནས་དྲན་པ་འཁྲུལ།།
གསོལ་བ་འདེབས་སོ་བྱིན་གྱིས་རློབས།།
སྟེང་སྤྲིན་དཀར་མཐོང་ནས་དབྱིངས་སུ་ཡལ།།
དེས་ཀྱང་རྗེ་བཙུན་བླ་མ་དྲན།།
ཁོང་མགོན་དུ་བྱོན་ནས་མྱ་ངན་འདས།།
གསོལ་བ་འདེབས་སོ་བྱིན་གྱིས་རློབས།།
མཁའ་དག་པ་མཐོང་ནས་བླ་མ་དྲན།།
དབྱིངས་ཆོས་ཀྱི་སྐུ་ཡི་དགོངས་པ་ལ།།
དུས་འཕོ་འགྱུར་མེད་པར་རྟག་ཏུ་བཞུགས།།
གསོལ་བ་འདེབས་སོ་བྱིན་གྱིས་རློབས།།
དབྱིངས་ཟད་ཁར་མཐོང་ནས་བླ་མ་དྲན།།
གཞི་དག་པ་ཆོས་སྐུའི་མཁའ་དབྱིངས་ནས།།
ལྷུན་གྲུབ་གཟུགས་སྐུའི་སྣང་བ་སྟོན།།
གསོལ་བ་འདེབས་སོ་བྱིན་གྱིས་རློབས།།
སྟེང་ཉི་ཟླ་བསམ་ནས་བླ་མ་དྲན།།
ཐུགས་རྗེའི་འོད་ལ་ཕྱོགས་རིས་མེད།།
སྐལ་ལྡན་མེ་ཏོག་པདྨའི་གཉེན།།
གསོལ་བ་འདེབས་སོ་བྱིན་གྱིས་རློབས།།
དུས་རྟག་ཏུ་བསྟེན་ཡང་སྐད་ཅིག་ཙམ།།
ཆོས་མང་དུ་ཐོས་ཀྱང་སྐད་ཅིག་ཙམ།།
ཕ་ད་དུང་ཐུགས་རྗེའི་སྤྱན་གྱིས་གཟིགས།།
གསོལ་བ་འདེབས་སོ་བྱིན་གྱིས་རློབས།།
མཚན་ཐོས་པ་ཙམ་གྱིས་འཁོར་བ་ཞིག།
ཞལ་མཐོང་བ་ཙམ་གྱིས་མོས་པ་སྐྱེ།།
གསུང་ཐོས་པ་ཙམ་གྱིས་ལམ་སྣ་ཟིན།།
གསོལ་བ་འདེབས་སོ་བྱིན་གྱིས་རློབས།།
མགོན་ཁྱེད་དང་མཇལ་བའི་སྐལ་ལྡན་རྣམས།།
འཁོར་བའི་འཕྲང་ལས་ཐར་བ་ལགས།།
བདེ་ཆེན་གླིང་དུ་ཕྱིན་པ་ལགས།།
གསོལ་བ་འདེབས་སོ་བྱིན་གྱིས་རློབས།།
ཁྱེད་ཀྱི་རྗེས་ཞུགས་གདུལ་བྱ་རྣམས།།
ཚེ་འདིར་ཡང་བདེ་ལ་དེའི་ཕྱི་བདེ།།
གཏན་གྱི་བདེ་ཆེན་གླིང་དུ་བདེ།།
གསོལ་བ་འདེབས་སོ་བྱིན་གྱིས་རློབས།།
编辑于2023/12/18更新