རྒ༵་བ་ལྡོག་མེད་རེད།།是什么歌

འཚོ་བ་།
生活
ཚིག ཁམས་མེ་སྟག།
དབྱངས གྲུ་བ་བསམ་འགྲུབ།
གཞས་པ གྲུ་བ་བསམ་འགྲུབ།
མི་ཚེ་ཐུང་ཐུང་རེད།།
འཁོར་བ་རིང་པོ་རེད།།
བདེ་བ་ཉུང་ཉུང་རེད།།
སྡུག་བསྔལ་མང་པོ་རེད།།
ཀྱེ་མ་སུ་ཡིས་རྟོགས།།
མི་སེམས་རབ་རིབ་རེད།།
མདུན་ལམ་ཀྱག་ཀྱོག་རེད།།
འཚོ་བ་མག་མོག་རེད།།
འཇིག་རྟེན་ཁྲ་ཁྲ་རེད།།
ཀྱེ་མ་སུ་ཡིས་རྟོགས།།
མི་ཚེར་སྙིང་པོ་བཙལ་ཡང་འཇའ་ལ་ལག་སྙོབ་གཏོང་འདྲ།།
འཁོར་བའི་ཐང་ཆེན་འདི་ནས་ང་རང་ཨ་ཐང་ཆད་སོང་།།
ཚེ་སྲོག་དབུགས་ཀྱི་ལྒང་བུ་མ་འགག་ཇི་ཙམ་སོང་ན།།
སྡུག་བསྔལ་གྲིབ་མ་ནག་པོས་དེ་ཙམ་རྗེས་ལ་འདེེད་འོང་།།
སེམས་ལ་དྲན་པ་མང་པོ་དགུན་གྱི་ཁ་བ་འབབ་འབབ།།
མདུན་གྱི་ལམ་བུ་དོག་པོ་གཡང་གཟར་ངོས་སུ་བགྲོད་བགྲོད།།
འཚོ་བ་དགའ་སྐྱོ་འདྲེས་མ་དབྱར་གྱི་གནམ་གཤིས་འགྱུར་འགྱུར།།
ཁྲ་ཁྲའི་འཇིག་རྟེན་འདི་ནས་གཏན་གྱི་བདེ་བ་མི་རྙེད།།
ལང་ཚོ་འཇའ་ཚོན་རེད།།
སྐད་ཅིག་སྐད་ཅིག་རེད།།
ཚེ་སྲོག་སྐར་མདའ་རེད།།
ནམ་འཆི་ངེས་མེད་རེད།།
ཀྱེེ་མ་སུ་ཡིས་རྟོགས།
སྐྱེ་༵བ་སྔོན་ལས་རེད།།
རྒ༵་བ་ལྡོག་མེད་རེད།།
ན༵་བ་སྡུག་བསྔལ་རེད།།
འཆི༵་བ་ཆོས་ཉིད་རེད།།
ཀྱེ་མ་སུ་ཡིས་རྟོགས།།
ལང་ཚོ་ཇི་ལྟར་མཛེས་ཀྱང་མི་རྟག་འཇའ་ཚོན་རི་མོ།།
གནས་སྐབས་མཛེས་སྡུག་ལྡན་ཡང་སྐད་ཅིག་ཉིད་དུ་ཡལ་འགྲོ།།
འཆི་བ་བདུད་ཀྱི་ཕོ་ཉ་ནམ་ཞིག་གམ་དུ་སླེབ་ཚེ།།
ཚེ་སྲོག་སྐར་མདའ་ཆུང་ཆུང་ཤར་ནས་ནུབ་ལ་བཞུད་འགྲོ།།
སྐྱེ་བ་གྲངས་མེད་ཅིག་ལ་རྒ་བ་བརྗོད་ཀྱིས་མི་ལང་།།
ན་བའི་སྡུག་བསྔལ་འོག་ནས་འཆི་བ་འཁོར་བའི་ཆོས་ཉིད།།
སྐྱེ་རྒ་ན་འཆི་བཙན་པོས་ཁྱོད་ཀྱི་རྒྱབ་ལ་འདེད་དུས།།
ཕུན་ཚོགས་བདེ་སྐྱིད་ཅེས་པ་སུས་ཀྱང་རྙེད་པ་མི་སྲིད།།